Лекарите од Лестер во Велика Британија денеска соопштија дека тинејџерка која боледува од Т-леукемија е во ремисија по нова терапија за генетска модификација на неухранети Т-клетки, јавуваат британските медиуми.
На 13-годишното девојче, идентификувано како Алиса, во 2021 година и беше дијагностицирана Т-клеточна акутна лимфобластична леукемија. Таа е првата пациентка на која ѝе дадена нова терапија
„Ова беше најсофистицираното клеточно инженерство досега и го отвора патот за други третмани и на крајот подобра иднина за болните деца“, рече имунологот професор Васeм Касим, еден од лидерите на проектот.
Лекарите објаснија дека конвенционалните третмани, вклучувајќи хемотерапија и трансплантација на коскена срцевина, не успеаја да го спречат враќањето на болеста.
Во мај, на Алиса и биле дадени универзални Т-клетки CAR (химеричен антиген рецептор) кои биле претходно произведени од здрав донатор, како дел од клиничкото испитување.
Дваесет и осум дена подоцна, пренесуваат британските медиуми, таа беше во ремисија и можеше да има втора трансплантација на коскена срцевина.
Сега, како што велат, на Алиса „добро и оди“ на закрепнување дома, додека нејзината состојба ја следи болницата „Грејт Ормонд Стрит“, каде го добила лекувањето.
Мајката на Алиса, Киона, изразила надеж дека овој третман може ќе им помогне и на други деца.
„Се надевам дека ова може да докаже дека истражувањето функционира и тие можат да го понудат на повеќе деца – сето ова треба да биде за нешто“.
Д-р Роберт Киеза, консултант за трансплантација на коскена срцевина и CAR Т-клеточна терапија во GOSH, рече дека исходот е „прилично извонреден“, но дека состојбата на Алиса мора да продолжи да се следи во текот на следните неколку месеци.
Тој рече: „Откако Алиса се разболе од леукемија во мај минатата година, таа никогаш не постигна целосна ремисија – ниту со хемотерапија, ниту по нејзината прва трансплантација на коскена срцевина.
„Само откако ја прими терапијата со ЦД7 ЦАР-Т клетки и втора трансплантација на коскена срцевина во ГОШ, таа немаше леукемија“.
Професорот Касим, консултант имунолог во GOSH, рече:
„Ова е одлична демонстрација за тоа како, со стручни тимови и инфраструктура, можеме да ги поврземе најсовремените технологии во лабораторијата со вистински резултати за пациентите“.
Истражувањето ќе биде претставено на годишниот состанок на Американското здружение за хематологија во Њу Орлеанс овој викенд.
Болницата Great Ormond Street сака да регрутира до 10 пациенти со Т-клеточна леукемија кои ги исцрпеле сите конвенционални опции за клиничко испитување. Тие ќе бидат упатени од специјалисти.