Два авиони ловци „Тајфун“ на Велика Британија и Германија пресретнаа руски авион во близина на воздушниот простор на Естонија.
Борбените авиони полетаа за да го пресретнат „летечкиот танкер“ Ил-78 Мидас кој леташе меѓу Санкт Петербург и Калининград. Споменатиот авион не остварил контакт со контролата на летање во Естонија, пишува BBC News.
Британските и германските воздушни сили во моментов вршат планирани заеднички патроли во регионот во рамките на НАТО.
Самото пресретнување на рускиот авион било рутинско, но претставува прва заедничка операција од ваков тип за споменатите земји.
По „разгледувањето“ на Мидас, двата авиони биле пренасочени да го пресретнат авионот Ан-148, кој исто така минувал блиску до воздушниот простор на Естонија.
Инаку, инцидентот се случи во време на зголемени тензии меѓу НАТО и Русија поради руската инвазија на Украина, но нема докази дека инцидентот е поврзан со судирот на руски борбен авион и американски беспилотно летало над Црното Море што се случи истиот ден.
RAF and German jets intercept Russian aircraft near Estonian airspace https://t.co/RxoenbSu40
— BBC News (World) (@BBCWorld) March 15, 2023