Роналдо испрати помош во Турција и Сирија

Кристијано Роналдо испратил полн авион со помош за луѓето кои настрадаа во силниот земјотрес кој ги погоди Сирија и Турција, објави „Дејли Мејл“.

Роналдо нарачал авионот да се наполни со шатори, пакети со храна, перници, кревети, храна за бебиња, млеко, лекови… и разни други видови помош кои би им користеле на настраданите во земјотресот, оние кои ги загубија своите домови.

Роналдо често донира во хуманитарни акции по големи несреќи или за лекување и операции на одредени луѓе кои не можат тоа да си го дозволат.

Тој донираше помош за португалските болници во време на короната.