Откако наставничката му кажала дека неговиот 9-годишен син малтретира дете во училиште, таткото Патрик Форсет решил да реагира поинаку од повеќето родители.
Наместо викање или присилно извинување, тој прво седнал и искрено разговарал со својот син. Му објаснил дека тоа што го направил не е во ред, но и дека секоја грешка може да се поправи ако човек навистина се потруди.
„Не барав од него само да каже извини. Му објаснив дека сè уште има време да ја исправи грешката. Не можеме да го вратиме времето, но можеме да се обидеме да ги поправиме работите“, вели Патрик во видеото кое има повеќе од 800.000 прегледи.
Потоа, момчето само решило како да се извини. Отишло кај детето кое го повредило и го прашало што најмногу сака. Кога дознал дека тоа се Покемон карти, му подарил две свои златни Pokemon картички. ❤️
@l.cant.die Replying to @mightyschneidy Let’s just always be kind 🤷♂️ #endbullyingnow #justbekind🤘🏻😎🤘🏻 #lovewins2023 #QuakerPregrain ♬ motional Piano – Metrow Ar
„Само искрен разговор носи резултати. Така ги учиме децата да ги решаваат проблемите и да ги исправат своите грешки“, додал таткото.
Неговиот потег предизвика лавина позитивни коментари на социјалните мрежи, а многумина порачаа дека токму вака треба да изгледа вистинското родителство.
