Царинската управа, како што пишува Порталб.мк потврдила дека двајцата цариници кои го пуштија автобусот на „Беса Транс“ без лиценца да ја помине границата со Бугарија се казнети, односно едниот бил отпуштен од работа, а другиот бил казнет со намалување на платата за 15 отсто за период од шест месеци. Вториот цариник веќе е вратен на работното место.
Цариниците избегнаа кривично гонење во судскиот процес, по автобуската несреќа во Бугарија кога животот го загубија 45 лица. Тие беа казнети затоа што не го евидентирале електронски излезот на возилото со регистарски таблички СК 0284 БА на превозникот „Беса транс“ од Скопје, туку само го завериле евидентентиот лист за превоз на патниците.
„За утврдените неправилности во постапувањето, за двајцата царински службеници кои биле на смена кога возилото излегло од државата, веднаш беа преземени мерки за суспендирање од работното место. За нив се покренати дисциплински постапки. На еден од царинските службеници кој бил на смена му престана работниот однос во Царинската управа, а на вториот царински службеник изречена му е дисциплинска мерка – парична казна во висина од 15% од последната исплатена месечна нето плата во траење од 6 месеци“, потврдиле за Порталб.мк од Царинската управа.
ПОВРЗАНИ СОДРЖИНИ
Македонскиот јазик и говорот на омраза - науката е најсилното оружје против политичката аг...
Детската клиника казнета со 5.200 евра - специјализанти прегледувале пациенти, наместо деж...
„ДПМНЕ и ЗНАМ станаа измеќари на ВРЕДИ“ - Левица бара расправа за Законот за бранителите в...
„15 луѓе не загинаа по своја вина, туку затоа што некој не си ја завршил работата“ - Вучиќ...
„Tреба да трчаме трка со 110 метри со пречки, а ЕУ да си го исполни зборот“ - Мицкоски за ...