Директорот на Државниот пазарен инспекторат (ДПИ) Горан Трајковски информира дека биле издадени две решенија за затворање маркети.
Тој најавува дека ќе следат засилени контроли кај трговците на мало и трговците на големо.
-Изразувам благодарност до големиот број на општествено одговорни компании кои прифатија да ги задржат гарантираните цени на основните прехранбени производи. Апелирам истото да го направат и трговците на големо (снабдувачите), вели Трајковски.
Директорот на ДПИ во својата објава на Фејсбук порачува дека никој не смее да ги прекршува законите и да манипулира со потрошувачите.