Полицијата казни 194 возачи во општина Ѓорче Петров и Сарај

Во текот на вчерашниот ден во периодот од 15.00 до 22.00 часот спроведена е засилена акциска контрола во делот на сообраќајот на територија на општина Ѓорче Петров и Сарај во Скопје, соопштуваат од МВР.

При контролата санкционирани се 194 возачи, од кои 117 за возење повеќе од дозволената брзина, 14 за возење без возачка дозвола и две мерки за нерегистрирани возила.

Од МВР најавуваат дека засилените сообраќајни контроли продолжуваат и во наредните денови, воедно апелираат до граѓаните да ги почитуваат сообраќајните правила и прописи за да се зголеми безбедноста во сообраќајот.