Полицијата контролираше и казнуваше автобуси што вршат превоз на ученици

Во текот на вчерашниот ден во периодот од 12.00 до 16.00 часот на територијата на Република Македонија од страна на Министерството за внатрешни работи(МВР) спроведена е акциска контрола на возила што вршат јавен превоз на ученици.

При контролата констатирани се 37 сообраќајни прекршоци за автобуси што вршат превоз на ученици, а на вонреден технички преглед биле упатени четири возила.

Од МВР најавуваат дека сообраќајните контроли за зголемување на безбедноста на учениците од дома до училиште и од училиште кон дома продолжуваат и во наредните денови.

„Апелираме до сите да ги почитуваме сообраќајните правила и прописи и на тој начин сите заеднички да придонесеме да се зголеми безбедноста на децата и на сите нас“, велат од МВР.