Премиерот Христијан Мицкоски денеска оствари работна средба со министерката за финансии Гордана Димитриевска Кочовска и со министерот за социјална политика, демографија и млади Фатмир Лимани, на која беше финализирана конструкцијата на проектот за зголемување на пензиите, соопшти владината прес-служба,
Со овој проект, како што се наведува, повеќе од 300 илјади македонски пензионери ќе добијат повисоки пензии почнувајќи од оваа година.
Advertisements
Ваквото изборно ветување кое ќе добие своја конечна форма ќе биде разгледано на првата седница на Владата, што ќе се одржи утре. Новата Влада останува посветена на исполнувањето на своите ветувања и продолжува да работи со посветеност за добробит на сите граѓани, се вели во владиното соопштение.
„Дадениот збор е светост, обврска и одговорност. Државата мора да се грижи за највозрасните. Во соработка со министерката за финансии, Гордана Димитриеска-Кочоска, министерот за социјална политика демографија и млади Фатмир Лимани, посветено работиме на итно изнаоѓање на решение кое ќе донесе повисоки пензии за над 300 илјади пензионери. Утре, ова исклучително важно решение кое го ветивме на изборите ќе се дискутира на седница на Владата и со тоа ја покажуваме нашата посветеност да испорачуваме резултати и да работиме посветено и за сите“, порача премиерот Мицкоски.
ПОВРЗАНИ СОДРЖИНИ
Владимир Нелоски десната рака на Мицкоски стана шеф на премиерскиот кабинет, Јанушев генер...
Професионалци на чело на Агенцијата за разузнавање - Сиљановска потпиша за Габриела Јаковл...
(ФОТО И ВИДЕО) Потоп во Драмски
Нема да има ценовен шок од струјата, Бислимоски уверува дека зголемувањето ќе биде минимал...
Левица предупредува: Просечната старост на противпожарната опрема изнесува 35.6 години, не...