Тешка сообраќајка во Скопје – меѓу повредените има и малолетни лица

Вчера околу 06.55 часот на крстосница од ул.„Горно Лисиче“ и ул.„Лисец“ во скопската населба Горно Лисиче,  се случила сообраќајна несреќа помеѓу патничко возило „форд“, управувано од А.К.(24) од Скопје и патничко возило „фиат“, управувано од С.К.(33) од Скопје, двете со скопски регистарски ознаки, соопштуваат од МВР.

Во несреќата возачот А.К. се здобил со тешки телесни повреди, а возачот С.К. и неговите сопатнички М.К.(31) и две малолетни женски лица, сите од Скопје, се здобиле со телесни повреди, констатирани во Комплекс клиники „Мајка Тереза“. Увид извршила екипа од СВР Скопје.