Вработените во УЈП следната недела ќе добијат плата повисока за 30 отсто

Потпишан е колективен договор во петокот меѓу „Солидарност“ и УЈП и добиено е позитивно мислење од страна на Министерството за финансии. Вработените во УЈП ќе добијат покачување на платата, изјави директорката на УЈП, Сања Лукаревска во „Клик плус“ на ТВ21.

Таа додаде дека веќе од следната плата вработените во УЈП ќе го имаат покачувањето од 30 отсто и кажа дека овој договор е постигнат колегијално и транспарентно со мирно решавање на спорови.

Директорката на УЈП рече дека на процесот пристапиле внимателно, со цел да се спречи ефектите од евентуалниот штрајк и неуспешност за договор да ги почувствува целата држава.