Министерството за правда информира дека законот за амнестија нема да се носи со европско знаменце. Оваа реакција од ресорното министерство доаѓа по најавите на претседателот на ВМРО-ДПМНЕ Христијан Мицкоски дека ВМРО-ДПМНЕ ќе го напушти Собранието ако се случи тоа.
Од правда велат дека,министерот за правда Кренар Лога уште од првиот ден јасно кажал дека овој закон нема да се носи со европско знаменце и дека лично тој е против можноста од злоупотреба на европското знаме за носење на закони.
„Неосновани се тврдењата на претстедалот на ВМРО ДПМНЕ Христијан Мицкоски дека Законот за амнестија ќе се носи во скратена процедура со европско знаменце.
Министерот за правда Кренар Лога уште од првиот ден, а исто така и на брифингот со медиуми кој се одржа минатата недела јасно кажа дека овој закон нема да се носи со европско знаменце и дека лично тој е против можноста од злоупотреба на европското знаме за носење на закони .
ВМРО ДПМНЕ да не зазема став на празно, кога се информирани уште од првиот дне за сите детали. Законот за амнестија е ист како оној од 2018 година, со истите кривични дела за кои не е предвидена амнестија. Тој закон беше потпишан и поддржан од ВМРО ДПМНЕ. Колку и да ска ВМРО ДПМНЕ да амнестира свои поранешни избрани и именувани лица, таков закон нема да има.
Во однос на најавите за напуштање на парламентот и напуштање на мандатите од страна на пратниците на ВМРО ДПМНе, тоа е добредојдена вест за граѓаните на нашата држава. Немањето став за битни прашања и политиките на блокада подобро се изразуваат со напуштање на Собранието и тоа е гест за поздравување од наша страна“, се вели во реакцијата на Министерството за правда.