Премиерката на Србија, Ана Брнабиќ апелираше да не се објавуваат слики и видеа од децата кои загинаа во основното училиште „Владислав Рибникар“ во Белград.
„Ги замолувам сите да не ги споделуваат видеата и фотографиите од убиените деца од Рибникар што денеска (без да ги замаглат!) ги објавија одредени „новинари“ Билјана Лукиќ и политичарот Рада Трајковиќ. Ова е врв на срамот, злоупотреба, непочитувањето на жртвите и нивните семејства. Ве молам, немојте“, повика премиерката Брнабиќ на социјалните мрежи.
Во друг пост таа објасни дека станува збор за прекршување на повеќе закони и дека се нехумани ваквите постапки.
„Ова е, исто така, кршење на повеќе закони во однос на неовластено споделување на лични и чувствителни информации, заштита на правото на приватност (особено во овој тежок момент за семејствата), како и други права на семејствата. Исто така е нехумано. Постои причината зошто тие фотографии се заматени“.
Molim sve da ne dele snimke i fotografije ubijene dece iz Ribnikara koje su danas (a da ih nisu blurovali!) postavljali određeni “novinari” @BiljanaLuki i političari @trajkovic_rada. Ovo je vrhunac beščašća, zloupotrebe, nepoštovanja žrtava i njihovih porodica. Molim vas,nemojte.
— Ana Brnabic (@anabrnabic) June 3, 2023