(ФОТО) Зеленски во ненајавена посета на Лондон – „Дојдов лично да им се заблагодарам на граѓаните на Британија за нивната поддршка“

On:

Украинскиот претседател Володимир Зеленски се сретна со британскиот премиер Риши Сунак за време на ненадејната посета на Лондон. Предвидено е Зеленски да им се обрати на британските пратеници и да се сретне со кралот Чарлс Трети во Бакингемската палата.

„Велика Британија беше една од првите земји од кои дојде помош за Украина. Дојдов во Лондон лично да им се заблагодарам на граѓаните на Британија за нивната поддршка и на премиерот на оваа држава“, напиша Зеленски на Инстаграм по пристигнувањето во главнито град на Велика Британија.

Британскиот премиер Риши Сунак на Твитер објави фотографија на која се поздравува со Зеленски. „Добредојдовте во Обединетото Кралство“, напиша Сунак на социјалната мрежа.

Advertisements

Зеленски, според соопштението на британската влада, доаѓа во време кога властите во Лондон најавуваат планови за проширување на обуката за вооружените сили на Украина. Велика Британија, исто така, го забрзува и испраќањето на воена опрема во обид да им даде предност на украинските сили на бојното поле и да ја ограничи способноста на Русија да таргетира цивилна инфраструктура.

ПОВРЗАНИ СОДРЖИНИ
„15 луѓе не загинаа по своја вина, туку затоа што некој не си ја завршил работата“ - Вучиќ...
Оланд: „Трамп не подготвува мир, туку капитулација на Украина“
„Неговата смисла за хумор е неверојатна“ - Илон Маск го исмејува Зеленски
„Мета“ треба да плати 800 милиони евра казна поради нефер услови на пазарот за социјални м...
Специјален претставник именуван од Трамп ќе преговара за завршување на војната во Украина