Администрацијата на Трамп соопшти дека ги повлекува речиси сите вработени во Агенцијата за меѓународен развој на САД ширум светот по шестдецениската мисија за зајакнување на американската безбедност преку борба против гладот, финансирање на образованието и работа за ставање крај на епидемиите.
Речиси 10.000 вработени во Американската агенција за меѓународен развој беа известени дека ќе бидат ставени на административно отсуство бидејќи американскиот претседател Доналд Трамп има намера да ја распушти агенцијата за странска помош.
Администрацијата ги извести работниците на УСАИД преку е-пошта и известување објавено на Интернет, за преструктирање на Агенцијата со враќањето на политички именуваните од првиот мандат на претседателот Доналд Трамп и тимовите за ефикасност на владата на милијардерот Илон Маск, кои голем дел од трошоците за програмите во странство ги нарекуваат расипнички.
Наредбата стапува на сила точно пред полноќ во петок и дава директни директиви на Агенцијата за оние кои се во странство – од кои многумина френетично ги пакуваат домаќинствата во очекување на огласот – 30 дена да се вратат дома, освен ако не се сметаат за неопходни за терен.
Изведувачите кои не се утврдени како суштински исто така ќе бидат отпуштени, се вели во известувањето.
Овој потег се шпекулираше неколку дена и беше најекстремниот од неколкуте предлози што се разгледуваа за консолидирање на Агенцијата и претопување во Стејт департментот.
Други опции вклучуваа затворање на помали мисии на УСАИД и делумно затворање на поголеми.
Илјадници вработени во УСАИД веќе беа отпуштени и програмите ширум светот беа запрени откако Трамп наметна огромно замрзнување на странската помош.