Фотографијата што го доловува моментот кога израелска медицинска сестра која стана симбол на зближувањето меѓу Турција-Израел, а на која таа гушка 4 годишно момче преживеано од земјотресот стана вирална на социјалните мрежи, пишува турскиот весник Хуриет.
Луѓето со многу позитивни коментари ја поздравија медицинската сестра што покажа сочувство кон малото дете. Таа се најде на насловните страници во Турција за грижата што му ја покажа на детето кое ги преживеа неодамнешните земјотреси со јачина од 7,8 степени во земјата.
„Четиригодишниот Арас и неговата мајка беа спасени по земјотресот во Турција. Тие биле лекувани во различни болници. Јосефит Моше, медицинска сестра за критична нега од болницата Шнајдер и член на хуманитарната мисија на Израел, го лекуваше Арас. Таа го држеше додека не заспие“, објави израелската влада во објавата на социјалните мрежи споделувајќи ја фотографијата.
Моше работеше како медицинска сестра за детска критична нега во детската болница Шнајдер 10 години од нејзината 15-годишна кариера. Таа дојде во зоната на земјотресот како волонтер со израелските одбранбени сили (ИДФ).
„Арас беше нашиот прв пациент извлечен од под урнатините. Тој страдаше од дехидрација и хипотермија. Кога првпат го видов, бев скршена и дадов се од себе да му помогнам. Штом се разбуди, се насмевна и побара кока-кола“, изјави Моше за нејзината прва средба со Арас.
„Иако немам деца, ми олесна исто како и мајката кога слушна дека Арас е жив“.
Зборувајќи за нејзината работа во Турција, Моше изјави дека сите што ги сретнала во зоната на земјотресот биле љубезни и искрени.
„Турција секогаш ќе има посебно место во моето срце“, рече Моше. „Навистина ми беше чест што можам да им служам на луѓето во една таква прекрасна земја. Беше привилегија да се работи со локалниот медицински тим. Горда сум и на напорите на Израел“.
Моше рече дека и таа се надева дека повторно ќе ја посети Турција во подобри денови.