Руското министерство за одбрана тврди дека еден Су-35 пресретнал два стратешки бомбардери Б-52 кои летале кон границите на Русија.
„Радарски објекти на силите за противвоздушна одбрана на Западниот воен округ на должност над Балтичкото Море на 20 март открија две воздушни цели кои летаат во правец на државната граница на Руската Федерација“, објави руското министерство на Телеграма.
Се вели дека целите биле стратешки бомбардери на американските воздухопловни сили B52H, а борбен авион Су-35 полетал во воздух за да спречи нарушување на границата.
Во соопштението се додава дека „откако странскиот воен авион се оддалечи од државната граница на Руската Федерација, рускиот ловец се врати на аеродромот во својата база“.
Тензиите меѓу Вашингтон и Москва се влошија откако руски авион пресретна американско беспилотно летало над Црното Море.
#US Air Force B-52H Strategic Bomber was Intercepted by a #Russian Su-35 Fighter Aircraft over the #BalticSea.
As per #Russian MoD the Bomber was approaching Russian Airspace when it was Intercepted & then Escorted until it entered #Estonian Airspace. pic.twitter.com/uxUEgOtl8r
— Aadesh Gindodiya (@AadeshGindodiya) March 21, 2023