Хеликоптер се урна денеска во близина на градинка и станбена зграда во градот Бровари, недалеку од главниот град на Украина, Киев. Во несреќата загинале најмалку 18 лица, помеѓу кои и високи функционери на украинското министерство за внатрешни работи. Меѓу загинатите се министерот за внатрешни работи Денис Монастирски, неговиот прв заменик Јевген Јенин и државниот секретар во министерството Јуриј Лубковиќ, соопшти Антон Герашченко, советник на министерот за внатрешни работи. Меѓу жртвите има и три деца.
The scale of the fire after the helicopter crash in #Brovary. According to the police, three people were killed and five have been injured. pic.twitter.com/qMjR3cuaZp
— NEXTA (@nexta_tv) January 18, 2023
„Киевската област. Во градот Бровари падна хеликоптер во близина на градинка и стамбена зграда. Во моментот на трагедијата во градинката имаше деца и вработени во установата. Во моментов сите се евакуирани. Итната помош, полицијата и пожарникарите се наоѓаат на местото на несреќата“, рече шефот на киевската регионална воено-цивилна админстрација, Олексеј Кулеба.
Гаршченко на својот твитер профил изрази жалење за овој немил настан.
„Моите колеги, моите пријатели. Каква трагична загуба. Најдлабоко сочувство до нивните семејства“, објави Герашченко.
Minister of Internal Affairs Denys Monastyrskyi, his 1st deputy Yevhen Yenin and Ministry’s state secretary Yurii Lubkovych died today in Kyiv region.
My colleagues, my friends. What a tragic loss. Deepest condolences to their families. pic.twitter.com/oRV7qew7OZ
— Anton Gerashchenko (@Gerashchenko_en) January 18, 2023
Се уште не е јасно што ја предизвикало падот на хеликоптерот. Русија не коментираше, а украинските власти не спомнаа никаков руски напад во областа.
„Добиваме информации за жртвите и околностите“, изјави Кирило Тимошенко, заменик-шеф на кабинетот на украинскиот претседател.