На 6 март 1981 година, Маријана Бахмајер отвори оган во преполната судница во тогашна Западна Германија. Нејзина цел бил 35-годишен сексуален престапник на кој му се судеше за убиството на нејзината ќерка, а кој почина откако бил застрелан од мајката шест пати. На овој случај што ја подели светската јавност потсетува порталот Блиц.
Маријана Бахмајер веднаш стана славна личност. За време на нејзиното судење, кое будно го следеше германската јавност, се постави прашањето: дали нејзиниот обид да се одмазди за нејзиното убиено дете е оправдан?
Четириесет години подоцна, случајот се уште се памети. НДР го опиша како – најспектакуларниот случај на ретрибутивна правда во германската повоена историја.
Ќерката на Маријана Бахмајер, Ана Бахмајер, беше ладнокрвно убиена на тој страшен ден. Пред да ја наречат германската „Одмаздничка мајка“, Маријана Бахмаер била самохрана мајка која водела паб во 1970-тите во Либек, град во тогашна Западна Германија. Таа живеела со своето трето дете, Ана. Нејзините две поголеми деца биле дадени на посвојување.
Ана беше опишана како „среќно, слободоумно дете“, но трагедијата се случи кога беше пронајдена мртва на 5 мај 1980 година.
Според НДР, седумгодишното девојче го напуштила училиштето тој кобен ден по расправија со нејзината мајка и некако завршила во рацете на нејзиниот 35-годишен сосед, локален месар Клаус Грабовски кој веќе имал криминално досие, вклучително и злоупотреба на деца.
Инспекторите подоцна дознале дека Грабовски ја држел Ана во својот дом со часови пред да ја задави со најлонски чорапи. Останува непознато дали сексуално ја нападнал или не. Потоа го сокрил телото на детето во картонска кутија и го оставил на брегот на блискиот канал.
Грабовски е уапсен истата вечер откако неговата вереница ја известила полицијата. Грабовски го признал убиството, но негирал дека го злоставувал детето. Наместо тоа, Грабовски даде чудна и вознемирувачка приказна.
Убиецот тврдел дека го задавил девојчето откако таа се обидела да го уценува. Според Грабовски, Ана се обидела да го заведе и се заканувала дека ќе и каже на мајка и дека ја малтретира доколку не и даде пари.
Маријана Бахмајер се налутила на оваа приказна и една година подоцна, кога на Грабовски му се судеше за убиство, се одмаздила.
Судењето на Грабовски веројатно беше болно за Бахмаер. Неговите бранители тврдеа дека тој дејствувал поради хормонална нерамнотежа предизвикана од хормонска терапија што ја добил откако бил доброволно кастриран неколку години претходно.
Во тоа време, сексуалните престапници во Германија често беа кастрирани за да се спречи повторување, иако тоа не беше случај со Грабовски.
На третиот ден од судењето во Окружниот суд во Либек, Маријана Бахмајер го извадила пиштолот „Берета .22“ од чантата и осум пати го повлекла чкрапалото. Шест истрели го погодиле Грабовски и тој починал на подот од судницата.
Сведоците тврдеа дека Бахмаер дала инкриминирачки забелешки откако го застрелала Грабовски. Според судијата Гинтер Крегер, кој разговарал со Бахмаеров,а откако таа го застрелала Грабовски во грб, таа ја слушнала ожалостената мајка како вели:
„Сакав да го убијам.“
Маријана наводно продолжила:
„Ја уби ќерка ми… Сакав да му пукам во лице, но пукав во грб… Се надевам дека е мртов“.
И двајца полицајци тврделе дека слушнале како Маријана, Грабовски го нарекува „свиња“ откако таа го застрела.
Наскоро, на мајката на жртвата ѝ се судеше за убиство.
За време на судењето, Бахмаер сведочеше дека пукала во Грабовски во сон и дека видела визии на нејзината ќерка во судницата. Докторот кој ја прегледал рекол дека од Бахмајер бил побаран примерок од ракопис, а таа напишала: „Го направив тоа за тебе, Ана“.
Маријана Бахмајер тогаш се најде во центарот на јавен виор. Нејзиното судење привлече меѓународно внимание поради нејзиниот безмилосен чин на одмазда.
Неделното германско списание Stern објави серија написи за судењето, копајќи во животот на Бахмајер како вработена самохрана мајка која имала многу тежок живот. Бахмајер, наводно, ја продала својата приказна на списанието за околу 158.000 долари за да ги покрие нејзините правни трошоци за време на судењето.
Списанието доби огромен одзив од читателите. Дали Маријана Бахмајер била вознемирена мајка која едноставно се обидувала да се одмазди за бруталната смрт на своето дете или нејзиниот чин на одмазда ја направил ладнокрвен убиец? Многумина изразија восхит од нејзините мотиви, но сепак ја осудија нејзината постапка.
Покрај етичката загатка на случајот, имаше и правна дебата за тоа дали пукањето било или не со предумисла и дали се работи за убиство или убиство од небрежност. Различни пресуди носеа различни казни. Децении подоцна, една пријателка прикажана во документарец за случајот тврдеше дека била сведок како Бахмаер вежбала пукање со пиштол во нејзиниот паб во подрумот пред пукањето.
Судот на крајот ја осуди Бахмајер за убиство со умисла и ја осуди на шест години затвор во 1983 година.
Според истражувањето на Институтот Аленсбах, 28 отсто од Германците сметаат дека нејзината шестгодишна казна е соодветна казна за нејзините постапки. Други 27 отсто сметаат дека казната е престрога, додека 25 отсто сметаат дека казната е прелесна.
Во јуни 1985 година, Маријана Бахмајер беше ослободена од затвор откако отслужи само половина од казната. Таа се преселила во Нигерија, каде се омажила и останала до 1990-тите.
По разводот од сопругот, Бахмајер се преселила во Сицилија каде останала додека не и бил дијагностициран рак на панкреасот, по што се вратила во сега обединета Германија.
Подоцна, Бахмаер побара од Лукас Марија Бемер, репортер на НДР, да ги сними нејзините последни недели од животот. Таа почина на 17 септември 1996 година на 46-годишна возраст и беше погребана до нејзината ќерка Ана.
Вознемирувачкото видео од пукотниците во судницата можете да го погледнете ТУКА.