Сојузот на синдикати на Македонија денеска излезе со најновите пресметки за синдикалната минимална кошница за месец јули.
Според официјалните податоци, таа изнесува 68.498 денари и бележи минимално намалување во споредба со претходниот период.
Падот изнесува точно 156 денари доколку вредноста се спореди со истиот месец од минатата година.
Синдикатот изработи и посебна анализа за семејствата кои немаат сопствен дом и живеат под кирија.
Доколку едно семејство користи изнајмен стан со површина од 60 метри квадратни, вредноста на синдикалната минимална кошница драстично се зголемува и достигнува 83.873 денари.
Статистиката потврдува дека граѓаните во земјава и понатаму трошат најмногу пари за задоволување на основните потреби.
Најголемиот дел од вкупните месечни трошоци во домаќинствата отпаѓаат на купување храна и пијалоци, за што се потребни 25.012 денари.