Американскиот милијардер Бил Гејтс зборуваше за разводот со сопругата Мелинда, нарекувајќи го „еден од најтешките периоди во неговиот живот и еден од неговите најголеми лични порази во последните неколку години“. Тој вели дека и изминатата година не му била лесна.
„Постигнав некои од најниските точки во мојот личен живот во последните неколку години, смртта на татко ми и разводот од мојата сопруга. Мелинда и јас продолжуваме да ја водиме нашата фондација заедно, така што најдовме нов работен ритам со кој сме задоволни. Но, не можам да негирам дека ова беше година на голема тага за мене“, напиша Гејтс на својот блог.
Неговиот татко почина во септември 2020 година на 94-годишна возраст, а следната година се разведе од Мелинда. Таа и Бил го финализираа разводот во август 2021 година, по 27 години брак, само три месеци откако објавија дека се разделуваат.
„После многу размислување и многу работа на нашата врска, донесовме одлука да го прекинеме бракот“, рекоа тогаш во заедничката изјава.
Минатиот месец беше објавено дека Мелинда ја започнала својата прва романса откако се разведе со еден од најбогатите луѓе на светот. Познатиот филантроп во последните неколку месеци беше во врска со Џон Ду Прео, поранешен дописник на Фокс Њуз, кој сега работи како специјалист за комуникации.