Силвестер Сталоне на Памела Андерсон ѝ понудил да биде негова „девојка број еден“. Ова го тврди Памела во документарецот кој ќе биде објавен на 31 јануари.
Наводно, како што вели таа, познатиот актер ѝ понудил недвижен имот и луксузен автомобил за да биде негова девојка.
„Ми понуди „порше“ и стан за да му бидам девојка број еден. Го прашав дали тоа значи дека има девојка број 2? Ми рече дека тоа е најдобрата понуда што ќе ја добијам бидејќи сега сум во Холивуд. А јас сакав само љубов. Не сакав ништо помалку од тоа“, со насмевка вели Памела.
„Изјавата на Памела Андерсон во врска со нашиот клиент е лажна и измислена. Господинот Сталоне потврдува дека никогаш не кажал или понудил нешто од она што е во нејзината изјава“, соопшти неговиот ПР оддел.
