Арсовска: Јас сум успешна градоначалничка, никогаш не се откажав од БРТ

Градоначалничката на град Скопје, Данела Арсовска во интервју за Радио Слободна Европа најавува дека проектот БРТ кој го наследи од нејзниот претходник до СДСМ се ревидира, отстранети се недостатоците и дека е во почетна фаза, но не открива кога ќе стартува на терен.

„Се ревидира планот, затоа што имаше голем дел на недостатоци кои ги детектиравме, имајќи в предвид дека и пред очите на јавноста беа истакнувани голем дел број на забелешки, не само за трасата туку и на начинот на кој ќе се имплементира, нешто кое ние го преговаравме доста време, и она кое што сакаме да го понудиме е најдоброто решение за градот“, вели Арсовска.

Во интревјуто Арсовска вели дека се доживува како успешна градоначалничка бидејќи целта и е да стави ред во градот.