Синот на Али Ахмети влегува во бизнисот со струја

Името на синот на лидерот на ДУИ, Али Ахмети, е запишано како управител на новорегистрирана фирма за производство на електрична енергија во кичевски Зајас, пишува порталот „Фактор“.

Порталот објавува дека Шкумбин Ахмети од Зајас е одговорното лице на Друштвото за производство, трговија и услуги „Тхеас Енергу ДООЕЛ“. Сопственик на претпријатието кое извршило упис во изминатите денови е друштвото за консалтинг, посредување, проектирање, инжинеринг и услуги „Архитектас Пројоект Студио“ од Зајас.

Познато е дека синот на Ахмети по професија е архитект кој дипломирал на тетовскиот универзитет и дека не покажал никаков интерес за политика.