Државниот инспекторат на Хрватска нареди итно повлекување на одредени серии сирења „Ile de France Petit Brie“ и „Ile de France Petit Camembert“ поради присуство на ентеротоксини од бактеријата Staphylococcus aureus.
Според соопштението, од пазарот се повлекуваат следните производи:
Ile de France Petit Brie 125 g – LOT S26097F3P3, рок на употреба до 06.06.2027 година.
Ile de France Petit Camembert 125 g – LOT S26100F5P1 и LOT S26100F5P2, рок на употреба до 09.06.2027 година.
Надлежните институции предупредуваат дека производите не се во согласност со европските прописи за безбедност на храната и ги повикуваат потрошувачите кои ги купиле да не ги консумираат.
Ентеротоксините што ги создава бактеријата Staphylococcus aureus можат да предизвикаат здравствени проблеми, поради што е донесена одлука за нивно итно повлекување од продажба.
Потрошувачите кои ги поседуваат овие производи можат да ги вратат на местото на купување, согласно процедурите на продавачите и увозниците.
