Тажна вест доаѓа од светот на филмот и телевизијата.
Британскиот актер Ентони Хед, најпознат по улогите во сериите „Бафи – убиец на вампири“ и „Тед Ласо“, почина на 71-годишна возраст.
Веста за неговата смрт ја потврдија неговите ќерки, кои во соопштение наведоа дека актерот починал мирно, опкружен со своето семејство, по компликации предизвикани од воспаление на белите дробови.
Хед стекна светска популарност со улогата на Руперт Џајлс во култната серија „Бафи – убиец на вампири“, која се емитуваше од 1997 до 2003 година.
Во последните години повторно го привлече вниманието на публиката со улогата во хит-серијата „Тед Ласо“.
Во текот на својата богата кариера оствари бројни значајни улоги, меѓу кои и во сериите „Мала Британија“ и „Мерлин“.
Публиката ќе го памети и по неговиот препознатлив баритонски глас, како и по рекламите што му ја донесоа првата голема популарност во Велика Британија во текот на 1980-тите.
Неговата смрт предизвика бројни реакции и пораки од колеги, пријатели и обожаватели ширум светот.