Ентони Гидера, актерот кој се појави во култниот филм „Кум 3“, почина на 65-годишна возраст, три недели откако ненадејно му застанало срцето од засега непознати причини.
Неговата сопруга Валери откри дека на 11 мај актерот колабирал во дневната соба од нивниот дом во Јужна Калифорнија.
Тој веднаш бил пренесен во болница и приклучен на апарати за одржување во живот, каде што останал во наредните три недели.
Според неговата претходно изразена желба, семејството подоцна донело одлука да биде исклучен од апаратите и вратен дома за последните денови да ги помине во кругот на најблиските.
Гидера починал во саботата, а неговата сопруга изјави дека лекарите и понатаму не успеале да утврдат што го предизвикало ненадејниот срцев застој.
Роден во 1961 година во Сан Франциско, Гидера се проби во Холивуд пред да наполни 30 години.
Најпознат е по улогата во „Кум 3“ (1990), режиран од Френсис Форд Копола, каде што го толкуваше телохранителот на Винсент Манчини, ликот што го играше Енди Гарсија.
Во филмот покрај него настапија и Ал Пачино, Дајан Китон, Енди Гарсија и Софија Копола.
Гидера зад себе остави значаен белег како дел од актерската екипа на едно од најпознатите филмски остварувања во историјата на кинематографијата.