Директорката на Универзитетска клиника за пластична и реконструктивна хирургија, д-р Јасмина Ѓоргиевска Павловска, се расплака во моментите кога им изразуваше благодарност на докторите од Израел, Чешка и Србија кои дојдоа во Македонија по трагедијата во Кочани и им помогнаа на повредените.
– Сакам да ви се заблагодарам на сите што сте тука и ни помагате во оваа ситуација. Завршивте одлична работа. Ни го дадовте патот по кој треба да одиме, за да го направиме најдоброто за овие млади души и да им дадеме шанса да го видат светот, вели Ѓоргиевска Павловска.
Видеото од хуманитарната мисија на докторите го објави еден од воедечките медицински центри во Израел – Sheba Medical Center Global Impact.
Основан во 1948 година, Медицинскиот центар Шеба е најголемата, најсеопфатна здравствена установа на Блискиот Исток и една од најдобрите 10 болници во светот во последните четири години според списанието Newsweek.
View this post on Instagram