Претседателот на Украина Володомир Зеленски и ја честита победата на Гордана Силјановска Давкова на претседателските избори во Македонија.
Тој својата честитка ја објави на социјалната мрежа X.
„Честитки за Гордана Силјановска Давкова за нејзината убедлива изборна победа. И посакувам успешен и плоден мандат. Го цениме нашето силно партнерство и ја цениме поддршката на Скопје за Украина во спротивставувањето на руската агресија. Со нетрпение очекувам да ја зајакнеме нашата билатерална соработка со цел да ги вратиме мирот и стабилноста низ нашата обединета Европа“, напиша Зеленски во честитката.
Силјановска-Давкова се заблагодари на честитката на украински, македонски и на англиски јазик:
„Почитуван претседателе Зеленски, денеска кога го славиме Денот на Европа исто така се потсетуваме дека судбината на украинската нација е под закана. Ние ја поддржуваме Украина и ја нудиме солидарноста на сите македонски граѓански за постигнување на праведен мир и вистинска долгорочна безбедност. Ниту една европска нација, која ги споделува и брани заедничките европски вредности, не смее да биде изоставена од европското единство. Очекувам дополнително да ја зајакнеме билатералната соработка и се надевам на брз прием на нашите две земји во ЕУ.“
Congratulations to Gordana Siljanovska-Davkova @gogamkd on her convincing election victory. I wish her a successful and fruitful tenure. We value our 🇲🇰🇺🇦 strong partnership and appreciate Skopje’s support for Ukraine in countering Russian aggression. I look forward to further…
— Volodymyr Zelenskyy / Володимир Зеленський (@ZelenskyyUa) May 9, 2024