Протест на судската администрација: Јазот е огромен, судите добија големи плати, а другите вработени ништо

„Протестите не застануваат тука. Денеска имавме состанок со претставници на Министерството за финансии со кои не најдовме разбирање. Бараме зголемување на минималната плата за 78% и исплата на додаток на плата од 35% за судски службеници. Во делот на затворскиот систем бараме зголемување на плати, обука и вработувања. Барањата се реална потреба за сите вработени имајќи ја предвид специфичноста на нашата работа. Во минатите пет години немало покачување на платите во службата, а судиите добија неколку пати покачување со што се направи голем јаз во разликата на платите. Со ребалансот на Буџетот не се предвидени за нас покачувања иако протестираме од март наваму “, велат претставници на Независниот синдикат на судската администрација и Здружението на судска администрација.