Професорката Катерина Колозова се најде на 14-то место на светската листа на највлијателни жени во филозофијата во изминатите десет години, според Academic Influence.
Листата е составена од 25 имиња на највлијателни жени во филозофијата од САД, Австралија, Франција, Велика Британија, Финска, Белгија, Германија, Шведска, Велика Британија и Турција.
Рангирањето не е според земји, туку според личностите.
Македонија, благодарение на проф. д-р Колозова е застапена веднаш по Франција.
Колозова на Фејсбук се зблагодари за рангирањето и напиша дека „навистина е изненадена од 14 место, имајќи ги предвид филозофските гиганти околу мене (исто така, имајќи предвид колку лошо помина продажбата на моите книги на Амазон во изминатата година…) Чудни се начините на рангирањето на вештачката интелигенција… сепак – многу сум почестена“, пишува Колозова.