„Лидл“ ќе го отвори првиот маркет во Скопје – ова е локацијата

Германскиот голем трговски синџир „Лидл“ ја купил локацијата на „Бриколаж“ од компанијата „Скопски пазар“, објави порталот Фактор.

Како што пишува Фактор, набргу се очекува да се случи и официјалната трансакција, а засега нема информации која е постигнатата сума.

„Лидл“ сè уште нема отворено продавница во Македонија, иако вакви најави има уште од февруари 2021 година.

Германскиот трговски синџир „Лидл“ лани во февруари, со паричен влог од 500.000 евра, ја регистрираше својата компанија во Македонија, којашто е управувана од бугарската филијала.