Голема трагедија ја потресе Италија и Грција, откако 37-годишната Сара Чекантини го загуби животот во сообраќајна несреќа на грчкиот остров Миконос.
Како што пренесуваат медиумите, несреќата се случила на 15 јуни, додека Сара престојувала на островот заедно со група пријателки по повод моминска вечер.
Таа требало да се омажи во наредните недели, но наместо подготовките за свадбата, нејзините најблиски сега се соочуваат со голема загуба.
Muore a Mykonos durante l'addio al nubilato: l'incidente in auto in Grecia a pochi giorni dal matrimonio https://t.co/vDYlWfI9IM
— Corriere della Sera (@Corriere) June 16, 2026
Грчките власти започнаа истрага за да ги утврдат точните околности под кои се случила несреќата, а деталите засега не се целосно познати.
Веста за нејзината смрт предизвикала шок во нејзиното работно место во Валдарно, каде колегите и пријателите се простуваат од неа со емотивни пораки.
Според грчките медиуми, Сара била мајка на едно дете и живеела со својот партнер во италијанскиот регион Арецо.
