Прв пат играв игрици во Собрание – срамно се правда пратеникот Каевски

Дарко Каевски пратеникот од редовите на СДСМ кој играше видео игри за време на вчерашната седница на собраниската комисија додека на говорница зборува професорката Гордана Силјановска Давкова, во изјава за порталот Фактор вели дека ова прв пат му се случува.

„Јас сум еден од најредовните и најактивните пратеници, кој не отсустувал од ниту една пленарна седница, ниту комисиска дебата во Собранието. Но, кога на говорницата имате колега кој слушате дека кажува флоскули и празни реченици, можеби некогаш ќе посакате да го оттргнете вниманието од тоа. Ова прв пат ми се случува, во принцип внимателно ги следам дебатите што се одвиваат во законодавниот дом“, изјави Каевски за Фактор.