Претседателката на Европската комисија Урсула фон дер Лајен ги коментираше упадите на мигрантите на шпанска територија, порачувајќи дека „сцените кои пристигнуваат од Сеута се неприфатливи“.
„Не можеме да дозволиме кој било да доаѓа во нашата Унија без почитување на нашите правила. Опасните преминувања на границите мора веднаш да престанат. Мрежите на криумчари со луѓе мора да бидат разбиени. Враќањето на лицата кои немаат право да останат мора да биде брзо, во согласност со нашите правила. Задолжив двајца комесари да помогнат ситуацијата да се стави под контрола. Магнус Брунер веќе тесно соработува со Шпанија и е подготвен да отпатува во најкритичните области. Ќе работи на обезбедување дополнителна оперативна поддршка за Шпанија, вклучително и преку Фронтекс (Frontex). Дубравка Шуица е во контакт со својот марокански колега. Убедена сум дека нашето тесно партнерство со Мароко ќе помогне во постигнувањето конкретни резултати“, наведе Фон дер Лајен.
