„Со длабока тага ја примивме веста за смртта на нашиот драг Џемал Кутахи, капитенот на нашата репрезентација и неговиот син Чинар. Тие се пронајдени под урнатините на куќата во која живееле во Антакија, соопшти ракометниот сојуз, додавајќи:
„Господ да ги помилува починатиот и неговиот син. Наше сочувство до роднините на загинатите и ракометната заедница“.
Оваа тажна вест ја соопшти турскиот ракометен сојуз кој објави дека капитенот на нивната репрезентација Џемал Кутахи (32) загинал во катастрофалниот земјотрес што ги погоди Турција и Сирија и однесе илјадници животи. Заедно со ракометарот животот го загуби и неговиот петгодишен син Чинар.
Во урнатините настрада и сопругата на ракометарот, која била бремена и по која се уште се трага.
Заедно со неа продолжува и потрагата по мајката на ракометарот, а спасувачите се сомневаат дека ќе ги пронајдат живи, зашто веќе со денови се затрупани под масивните ѕидови на срушените згради.
Тој настапуваше за екипата на Хатајспор, а беше во составот на турскиот национален тим во мечот против Македонија во квалификциите за ЕП 2024, кој жолто-црвените го добија со 36-27.
Hentbol Milli Takımı kaptanı Cemal Kütahya ve oğlu Çınar hayatını kaybettihttps://t.co/Hn0wXiKlIZ
— BirGün Gazetesi (@BirGun_Gazetesi) February 13, 2023