Уапсена е жена по смртта на познат српски новинар – таа ги хранела кучињата што го искасаа

Српските медиуми јавуваат дека е уапсена педесетгодишна жена која се грижела за кучињата кои до смрт го искасаа новинарот и аналитичар Владан Радосављевиќ.

Таа е уапсена поради сомнение дека сторила кривично дело против општата безбедност во врска со кривичното дело предизвикување јавна опасност од небрежност, јавува Блиц.

Наводно, станува збор за жена која повремено ги хранела кучињата кои во средата нападнаа и убија новинар во Велика Иванча.

Таа по наредба на Основното јавно обвинителство е уапсена од полицијата на Младеновац.