Уште еден смртен случај во битолската болница: Бебе починало во стомакот на родилка?

Бебе вчера починало во стомакот на родилка од Битола откако ѝ била дадена таблета да го испровоцира породувањето, ама родилката била пратена дома од гинеколог кој бил дента на смена.

Кога родилката се вратила ноќта во болница за да се породи веќе било доцна, дежурните лекари виделе дека бебето страда, по бојата и исцедокот на водењакот, се обиделе да ја породат родилката и да го реанимираат бебето, но му немало спас, дознава „Независен“ од болнички извори.

Директорот на битолската клиничка болница д-р Александар Обедниковски, во порака го потврдува случајот за „Независен“ , но не дава детали, туку само кажал дека денеска во 14 часот министерот за здравство д-р Фатмир Меџити доаѓа во посета на болницата.