Девојче е тешко повредено откако автомобил излета од автопат Скопје-Куманово

Малолетна сопатничка е тешко повредена во сообраќајка која се случила вчера во скопско.

На 24.04.2023 во 17.00 часот во СВР Скопје било пријавено дека на автопат Скопје-Куманово, во атар на с.Долно Количани, скопско, патничко возило „опел“ со бугарски национални ознаки, управувано од О.Ц.(43) од Штип, излетало од коловозот. Во несреќата со тешки телесни повреди се здобила малолетна сопатничка, а со телесни повреди се здобила уште една сопатничка С.Ц.(42), двете од Штип, констатирани во Клиничка болница Штип, информираа од МВР.

Извршен бил увид од увидна екипа од СВР Скопје.