(ВИДЕО) „Човекот учи додека е жив, барем е искрен директоров “ – Врие на социјалните мрежи откако се појави новиот шеф на Бирото за метрологија

Бура од реакции на социјалните мрежи предизвика денешниот говор на новиот директор Абдул-Селам  на Бирото за метрологија. Тој денеска говорејќи  по повод Денот на метрологијата призна дека до пред некое време мислел оти метрологијата и метеорологијата се една иста научна дисциплина.

Дел од граѓаните удрија мајтап на сметка на неговото признание, дел повикаа да престане партизацијата и партиски војници да не се поставуваат на места за кои не се квалификувани, некои обвинија дека не е виновен директорот, туку партијата од која доаѓа, но секако имаше и коментари кои ја поздравија искреноста на новиот директор коментирајќи „барем е искрен“.

„Метрологијата нема врска со временска прогноза, во кое што јас, очигледно да ви кажам, до пред некое време грешев, мислев дека е наука за времето, но го одбележува влијанието на мерењето врз нашиот секојдневен живот“, рече Селами.

ВИДЕО: Телма