Поддржувачите на поранешниот бразилски претседател Жаир Болсонаро ги пробиле безбедносните бариери поставени од вооружените сили за да влезат во зградата на Конгресот, Врховниот суд и претседателската палата Планалто, според снимките прикажани во бразилските медиуми, пренесува Си-Ен-Ен.
На снимката се гледа огромна толпа луѓе како одат по рампата што води до зградата на Конгресот, каде што стигнале до Зелената соба, која се наоѓа пред долниот дом на Конгресот, изјави привремениот претседател на Сенатот, Венециано Витал до Рого за Си-Ен-Ен Бразил.
BREAKING: Bolsonaro supporters break into the National Congress in Brazil pic.twitter.com/EHyEbqf2FE
— BNO News (@BNONews) January 8, 2023
На снимки од други медиуми се гледа како тие влегуваат во Врховниот суд и во претседателската палата.
Немирите дојдоа околу една недела по инаугурацијата на претседателот Луис Инасио Лула да Силва, чие враќање на власт по 12-годишна пауза доаѓа откако го победи Болсонаро во вториот круг од изборите на 30 октомври.
WATCH: Bolsonaro supporters storm the Supreme Federal Court of Brazil pic.twitter.com/zZq3KO11nY
— BNO News (@BNONews) January 8, 2023
Поддржувачите на Болсонаро, кој го напушти Бразил и моментално е во САД, оттогаш кампуваат во главниот град на Бразил. Министерот за правда Флавио Дино ги овласти вооружените сили да постават бариери и да ја чуваат зградата на Конгресот во саботата поради континуираното присуство на поддржувачи на Болсонаро.
Претседателот Лула моментално не е во палатата и домот на Конгресот моментално не заседава.