Македонскиот генијалец Македон Димитровски, ученик во основното училиште „Лирија“ во Тетово за кого слушна и светот откако на Македонија и донесе две златни и една сребрена медала на напревари по математика, многу сака да раскажува и настани од македонската историја.
Во најновото видео што го објави неговиот татко Владимир Димитровски на фејсбук нашиот генијалец без грешка ги реди годините и настаните од времето кога се родил големиот војсководец Александар, па станал крал на Македонија во 336 п.н.е. Потоа Македон ни раскажува и за големиот поход, за освојувањето на Персија итн.