Страшен инцидент се случил во ноќта меѓу 31 март и 1 април на подрачјето на општина Мерошина, каде што, според првичните информации, непознат маж нападнал и силувал девојка.
Според неофицијални сознанија, жртвата е таксистка која била нападната од патник кого претходно го превезувала.
Од Полициската управа во Ниш потврдија дека случајот е пријавен и дека се преземаат интензивни мерки за расчистување на настанот.
– За настанот е известено Вишото јавно обвинителство во Прокупље. Полицијата презема мерки и активности од своја надлежност со цел утврдување на сите факти и околности. Истрагата е во тек – информираат од полицијата.
Осомничениот засега не е идентификуван, а потрагата по него продолжува.
Надлежните апелираат до граѓаните, доколку имаат какви било информации поврзани со случајот, да се обратат во најблиската полициска станица.
Истрагата треба да ги утврди сите детали и околности под кои се случил овој тежок кривичен настан.