Шефот на руската паравоена група Вагнер Евгениј Пригожин денеска призна дека неговите луѓе се уште трпат загуби во борбите во Украина.
Пригожин го изјави ова за време на посета на гробишта.
На видеото што го објави неговата прес-служба на Телеграм, Пригожин може да се види како стои пред неколку десетици гробови на кои се положени венци со цвеќиња.
„Борците на Вагнер сè уште се закопани овде. Тие гробишта ќе ги направиме споменик за идните генерации“, рече Пригожин.
Руските власти дадоа малку информации за загубите што ги претрпеа во Украина од почетокот на инвазијата започната во февруари 2022 година.
Последниот официјален извештај за загуби што го обезбеди Министерството за одбрана датира од септември 2022 година и зборува за 5.937 загинати војници.
Ова не ги вклучува борците на Вагнер, кои официјално не се дел од војската.
Според западните проценки, повеќе од 150.000 руски сили, меѓу кои и војската, Вагнер и проруските сепаратисти од Украина, се верува дека се мртви и ранети.
Борците на Вагнер се на првата линија на фронтот во битката за градот Бахмут во источна Украина, каде двете страни претрпеа големи загуби.