(ВИДЕО) Ниту еден родител не сака пари за загинато дете, но државата има должност да се оддолжи – Стојанче Ангелов

„На вчерашната коалициска средба меѓудругото разговаравме и за проблемот кој што ги мачи 15-тина семејства на загинати бранители како и 30-тина воени инвалиди. Претходно, и од премиерот и од клучните министри имавме поддршка, со тоа што оваа иницијатива во следните денови ќе биде сериозно разгледана и се надевам на позитивно решение во разумен временски рок. Значајно е да истакнеме дека лидерот на ДУИ, Али Ахмети е подготвен за разговори во врска со оваа наша иницијатива. Никој не посакува и никој не се радува на вакви пари, но ако веќе е направена штетна последица по нечие здравје државата има должност да се оддолжи и кон воените инвалиди и кон семејствата на нашите херои. Не постојат ниедни пари на светот што некој родител би ги сакал за замена за смрт на своето дете“, истакна Ангелов.