Ви ветувам дека на 24 април и на 8 мај повторно ќе славиме на сите плоштади, доаѓа времето на градителите на Македонија, татковината не се менува, таа се наследува, немаме друга и мора да ја сочуваме гордата татковина Македонија, рече пред штипјани канидатката за претседателка на Македонија, подржана од ВМРО ДПМНЕ, Гордана Силјановска Давкова.
За политичките опоненти рече дека државата не може да има полза од човек кој нема свој став, кој секогаш се согласува пред да го прашаат.
-Првиот премиер вториот премиер, оној неформалниот премиер, господинот Ахмети и секогаш истото го прави со сите однадвор. Видете, не смееме идоли да правиме од меѓународните претставници, да треба да сме дипломати, но сепак ние имаме право, иако живееме во мала прекрасна држава да ги изложиме и да ги браниме, државните и национални инетреси, рече Силјановска Давкова.
Таа истакна дека власта не се однесувала демократски, туку автократски, дека претседателот не смее да се отуѓува од граѓаните.
Професорката пред штипјани кажа дека ќе се консултура со народот во народните канцеларии, за кои рече дека сега ги нема, во обраќања во Собранието и особено ќе води сметка за усогласена политика.
Во однос на ингеренциите на претседателот, рече дека на судството му се потребни реформи, дека е важно да дојдат истаканти правници и најави дека надвор ќе одат вистински дипломати од кариера.
-Од вас зависи што ќе се случи на 24-ти јас реков очекувам политички змејотрес, и на 8 мај вулкан, а потоа ќе се смират македонските води и мирно ќе тргнеме во демократски промени, рече Силајновска- Давкова.
Претседателот на ВМРО ДПМНЕ, Христијан Мицкоски од митингот во Штип повика на мобилизација.
-Излезете и гласајте против оваа завера што и се прави на Македонија. Ние резервна татковина немаме и одговорот ќе го дадеме преку заокружување на бројот 2 и изборот за професорката Гордана Силјановска Давкова, да и посакаме добредојде на идната претседателка Гордана Силјановска Давкова, истакна претседателот на ВМРО-ДПМНЕ Христијан Мицкоски во Штип.