Што значи според народните верувања доколку врне дожд на Велики Петок?
Променливо облачно и нестабилно време со пороен дожд и грмежи, особено во источните делови нè очекува денеска, на Велики Петок.
Според УХМР, чокално процесите ќе бидат во форма на краткотрајно невреме со засилен ветер и услови за изолирана појава на град. Во Скопје променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град.
Кај нас секој христијански празник е поврзан со одредени верувања и обичаи. Така, голем број на традиции кои се практикуваат и денес се поврзани со Велики петок. Денеска строго се пости, но има и некои други обичаи кои треба да се практикуваат на Велики петок.
Постарите веруваат дека ако на Велики петок врне дожд, сливите и други овошја нема да дадат богат род. Се верува дека дождот значи тешка и сушна година, полна со конфликти и со кавги.
Од друга страна, пак, се верува дека ако денот е топол и сончев за овој голем празник, родот на овошјето ќе биде голем.
Како и да е времето ќе покаже дали ова верување е точно или не.