Мандаторот за формирање на уште една влада на Израел, Бенјамин Нетанјаху, вечерва на „Твитер“ објави дека успеал да формира владејачка коалиција на само неколку минути пред истекот на рокот на полноќ.
Ова го отвори патот за враќање на власт на Нетанјаху, кој веќе беше премиер најдолго во историјата на Израел, вкупно 15 години.
Нетанјаху ќе ја предводи најдесничарската влада од основањето на еврејската држава.
Тој претходно го информираше претседателот на Израел, Исак Херцог, за формирањето на владејачката коалиција, пренесоа израелските медиуми и на еврејски објави на Твитер: „Имам влада во рацете“.
עלה בידי.
— Benjamin Netanyahu – בנימין נתניהו (@netanyahu) December 21, 2022
Се очекува новата влада да положи заклетва следната недела.
Конзервативната Ликуд на Нетанјаху и неговите сојузници, три екстремно десничарски партии и две ултраортодоксни еврејски партии, освоија мнозинство од 64 од 120 места во израелскиот парламент (Кнесет) на изборите на 1 ноември, петти за помалку од четири години .
На 13 ноември, претседателот на Израел му довери на Нетанјаху да формира нова влада во рок од 28 дена, но тој побара дополнително време, па тој рок беше продолжен за десет од 14-те што е можно со закон.
Поранешниот и идниот премиер во последен момент успеа да ја исполни таа задача, иако се очекуваше лесно и брзо да се одвиваат коалициските преговори.
Нетанјаху ќе биде на чело на коалицијата која бара големи промени, со кои не се согласува голем дел од израелската јавност, со зголемен ризик од конфликт со Палестинците и недоразбирања со некои од најблиските странски сојузници – САД и американските евреи.