Легендарниот бразилски фудбалер Пеле (82) на почетокот на месецот заврши во болница поради инфекција на белите дробови, а во болницата во Сао Паоло беше ставен на палијативна нега откако неговото тело престана да реагира на хемотерапија. Тогаш неговото семејство нагласи дека не е ништо сериозно, но според последните информации состојбата му се влошила.
Тој требаше да оди на домашна нега кога состојбата малку ќе му се смири, но бидејќи тоа не се случи со недели, тој веќе има проблеми со бубрезите и срцето, па ќе мора да остане во болница и за Божиќ.
„Ќе остане хоспитализиран во нормална просторија за да биде надгледуван од лекарскиот тим“, напишаа од болницата.
„Го сакате, а вашите приказни и молитви многу ни помагаат бидејќи знаеме дека не сме сами“, напиша неговата ќерка.
Последните вести говореа дека наодите се подобриле, но според британските медиуми, ситуацијата се променила и легендарниот Бразилец извесно време нема да може да ја напушти болницата.