Скопјанка била удрена од електричен тротинет на велосипедска патека при што се здобила со тешки повреди. Жената која го управувала тротинетот го напуштила местото на несреќата.
– На 18.03.2026 во 16:00 часот во СВР Скопје е пријавено дека на велосипедска патека кај автобуска постојка ул.„11 Октомври“ во Скопје, електричен тротинет, управуван од женско лице, удрил во 59-годишната А.К. од Скопје и го напуштил местото на настанот. Во несреќата со тешки телесни повреди се здобила А.К., констатирани во Градската општа болница „Св.Наум Охридски“ во Скопје, информираа од полицијата во дневниот билтен.
Извршен е увид од увидна екипа од СВР Скопје и се преземаат мерки за расчистување на случајот.